O fútbol

O fútbol tivo sempre moita tradición en Mourente. Desde moi cedo foron saíndo xogadores e equipos na nosa parroquia; lembramos agora a aqueles sonados "Canarios" e do Atlético Mourente, hoxe por desgracia desaparecidos. E tamén lembramos aqueles partidos xogados en Montecelo, a falta doutro campo mellor.
Hai algúns anos falar de fútbol en Mourente era falar da Sociedade, por que só os seus equipos representaban a parroquia nas competicións oficiais. Tamén era falar dun home, "Piño", que aturou sobre sí o peso do mantemento dunha canteira de rapaces, moitas veces sen axuda e cun agarimo o deporte merecente da meirande gabanza.
Nembargantes, hoxe en día só quedan dous equipos que representan á Sociedade Cultural e Deportiva de Mourente. Dous equipos ós que os separan moitos anos. O equipo de Fútbol Sala Pre-Benxamín (formado por rapaces entre 5 e 8 anos) e o equipo de Fútbol de Veteranos (composto por homes maiores de 30 anos).

O balonmano

Coa construción da pista polideportiva no verán de 1982. Unha chea de posibilidades abríronse na utilización destas instálácions deportivas, unha destas posibilidades era a práctica de novos deportes e deste xeito, en setembro dese ano formouse o equipo de balonmán por iniciativa do directivo Raimundo Argibay Iglesias que fixo a presentación diante dos socios nos actos de inauguración da devandita pista o 12 de outubro dese mesmo ano cun partido xogado contra a S.D. Teucro de Pontevedra.